Por las ramas: María Mediero

Publicado el 6 diciembre, 2016 en Espacio Nido
w0
k 0

captura-de-pantalla-2016-12-06-a-las-21-33-40

  • Ademáis de tradutora estás montando unha editorial chamada catro ventos. É un paso lóxico ou un salto ó baleiro?

En realidade, calquera decisión é un salto ao escuro porque as súas consecuencias son impredecibles. No meu caso, podemos dicir que este proxecto editorial é un paso máis que desexado. Levo tempo con gana de deixar de traducir textos con contidos que non comparto e Catro Ventos hame permitir ser voceira de iniciativas e visións interesantes que doutro xeito non chegarían ao público galego.

  • Levas un ano no Nido, cóntanos o momento máis especial que viviches alí

Creo que me quedo con esas veces en que todos levamos horas sen levantar a cabeza do ordenador e, de súpeto, comezamos a falar e facemos unha pausa improvisada. Hai moi bo ambiente e eses respiros prestan moito.

  • 4 Ventos é un proxecto en colaboración con outros anidados. Cómo foi ese proceso?

En Catro Ventos eramos xa tres tradutores (a meirande parte das obras que imos publicar son traducións doutras linguas) e a nosa idea era incorporar tamén a un deseñador-maquetador-ilustrador. Así e todo, non dabamos atopado ninguén que respondese ao perfil, polo que decidimos arrancar os tres sós e pedir orzamento para a web e a xestión nas redes sociais no Nido. Cando explicamos o proxecto, a Ali e Isi (ATDP) gustoulles moito a iniciativa e decidiron unirse a nós. De tres pasamos a cinco. Levamos xa traballando xuntos desde decembro e as cousas avanzan paseniño pero sen pausa.

  • Cal é o teu ámbito de especialización dentro do mundo da tradución?

Espero que de aquí nuns anos poida dicir que é o editorial. Polo de agora, estou especializada en marketing e  publicidade, tradución creativa e localización web. Tamén traduzo bastantes textos de carácter xurídico.

  • Que crees que pode aportar o coworking a unha tradutora?

No meu caso, compañía e ganas de erguerse para ir traballar. Motivos para quitar a pixama, que antes era o meu uniforme de traballo. Tamén é unha oportunidade para crear sinerxias e desenvolver colaboracións e proxectos laborais conxuntos. Por exemplo, aquí atopei dous bos compañeiros para arrancar un fermoso proxecto editorial.

Web persoal: www.mariamediero.com
Web da editorial Catro ventos: www.catroventos.gal

About the Author

adminVer todos los posts admin >

0 Comentarios

Deja una respuesta

Deja un comentario

Tu dirección de correo electrónico no será publicada. Los campos obligatorios están marcados con *